اسلام آباد (آن لائن) پارلیمنٹ کے سولر انرجی پروجیکٹ میں خامیاں سامنے آنا شروع ہو گئی ہیں اور پروجیکٹ اور کام کی کوالٹی پر انگلیاں اٹھنا شروع ہو گئی ہیں اس پروجیکٹ کو ایک چینی کنٹریکٹر مکمل کر رہا ہے ۔ میڈیا رپورٹس کے مطابق قومی اسمبلی سیکرٹریٹ کے ایک سینئر عہدیدار نے کہا ہے کہ مجھے شک ہے کہ اس قسم کے کام سے 1.1 میگاواٹ بجلی طویل بنیادوں پر پیدا ہو گی ۔یہ سولر انرجی پروجیکٹ اپریل سے یہاں نصب کیا جا رہا ہے انہوں نے کہا کہ یہ کنٹریکٹر چینی حکومت نے مقرر کیا ہے اور اس نے سیکرٹریٹ کو روزانہ کی بنیاد پر رپورٹ دینے سے انکار کیا ہے اور اس نے ایس پی جی ایس پروجیکٹ بارے ڈرائنگ بھی نہیں جمع کروائی ہیں جو 588 روپے کی چینی گرانٹ سے شروع کیا گیا ہے ۔ قائم مقام سپیکر مرتضی جاوید عباسی نے جب پروجیکٹ کا دورہ کیا تو انہوں نے اس میں خامیاں پائیں اور ان شکوک کا اظہار بھی کیا کہ اس کی تعمیر میں کم کوالٹی کا میٹریل استعمال کیا جا رہا ہے دریں اثناءقومی اسمبلی کے سیکرٹری محمد ریاض نے کہا ہے کہ مجھے امید ہے کہ کنٹریکٹر اس پروجیکٹ کی خامیاں دور کریں گے ۔