کراچی (آن لائن)کراچی میں سی ٹی ڈی پولیس کے ہاتھوں گرفتار ٹارگٹ کلر مخدوم عرف مانی نے سنسنی خیز انکشافات کیے ہیں ، ملزم نے 2012 میں مخالف سیاسی جماعت سے تصادم میں ساتھیوں کے ہمراہ 20افراد کو قتل کرنے کا اعتراف کیا. کراچی میں سی ٹی ڈی پولیس کے ہاتھوں گرفتار ٹارگٹ کلر مخدوم عرف مانی نے سنسنی خیز انکشافات کیے ہیں،سی ڈی پولیس نے ملزم مخدوم عرف مانی کو ساتھیوں شعیب،پرویزاور شاہد پریڈی کے ساتھ گرفتار کیا تھا،، ملزم نے دوران تفتیش ا نکشافات میں کہا ہے کہ ٹارگٹ کلربنے سے پہلے مالی کا کام کرتا تھا ، 2012 میں مخالف سیاسی جماعت سے تصادم میں ساتھیوں کے ہمراہ 20افراد کو قتل کیا ،سال 2012 میں قیادت کے کہنے پر ہی اپنی جماعت کے ساتھی عرفان کو قتل کیا ، شاہد جاپانی ،عرفان بٹ،اور اعظم نامی ٹارگٹ کلرز کے ساتھ ملکر متعدد افراد کو قتل کیا ،ملزم مانی کے مطابق کورنگی میں 29 ٹارگٹ کلرز پر مشتمل ٹیمیں ٹارگٹ کلنگ کی وارادتیں کرتی ہیں۔ تمام 29 ٹارگٹ کلرز کا تعلق ایک ہی سیاسی جماعت سے ہے ، ملزم نے انکشاف کیا کہ وسیم عرف چونا وارداتوں کے لیئے اسلحہ فراہم کرتا تھا ،ٹارگٹ کلرز ر پہلے ہدف کو قتل کرتے ہیں پھر بیک اپ پر سپورٹ کے دوسری ٹیم ہوتی ہے۔