ریاض (آئی این پی )سعودی عرب میں ایک بس اور ٹرک میں تصادم سے 11ایشیائی باشندے جاں بحق اور 14شدید زخمی ہو گئے جنہیں طبی امداد کیلئے فوری طور پر قریبی ہسپتالوںمیں منتقل کر دیا گیا ۔سعودی مےڈےا کے مطابق یہ افسوسناک حادثہ مشرقی صوبے احصہ میں پیش آیا جہاں دو تیز رفتار گاڑیاں آپس میں بری طرح ٹکرا کر تباہ ہو گئیں جس کے باعث بس میں سوار 11ایشیائی باشندے جاں بحق جبکہ 14شدید زخمی ہو گئے ہیں جنہیں طبی امداد کیلئے فوری طور پر قریبی ہسپتالوںمیں منتقل کر دیا گیا ہے جہاں ان کا علاج جاری ہے ۔ مرنے والوں کی مزید تفصیلات فراہم نہیں کی گئیں ۔یہ حادثہ رواں برس پیش آنے والا سب سے بڑا حادثہ ہے ۔