بدین(نیوزڈیسک) بلدیاتی الیکشن کے دوسرے مرحلے کی انتخابی مہم ختم ہونے سے صرف چند گھنٹے قبل، بدین میں ذوالفقار مرزا کے انتخابی جلسہ میں کرنٹ لگنے سے دو کارکن جاں بحق ہو گئے ہیں۔ بلدیاتی الیکشن مہم کے آخری روز بدین میں ایک بڑے جلسہ عام سے خطاب کرتے ہوئے ڈاکٹر ذوالفقار مرزا کا کہنا تھا کہ ان کی خواہش تھی کہ وہ بے نظیر کے لخت جگر کے ساتھ کام کریں، لیکن بلاول بھٹو آج ان کے ساتھ ہیں جنہوں نے بے نظیر کے خون کا سودا کیا، ذوالفقار مرزا کا کہنا تھا کہ ان کا جھگڑا پیپلز پارٹی سے اس وقت شروع ہوا، جب سندھ کو کراچی کی جماعت کے حوالے کرنے کی کوشش کی گئی۔