ویلنگٹن(نیوزڈیسک)پاکستانی کرکٹ ٹیم کے آئندہ سال دوروں کی تفصیلات سامنے آگئی۔ پاکستانی کرکٹ ٹیم آئندہ سال جنوری میں نیوزی لینڈ کا دورہ کرے گی، گرین شرٹس دورے کے دوران میزبان ٹیم کے خلاف تین ٹی ٹونٹی اور تین ون ڈے میچوں کی سیریز کھیلے گی۔ اسی سیریز کے دوران ویلنگٹن بیسن ریزرو سٹیڈیم قریباً 11 برس بعد ون ڈے انٹرنیشنل میچ کی میزبانی کرے گا جہاں پر نیوزی لینڈ اور پاکستان کے درمیان پہلا ون ڈے شیڈول ہے۔ نیوزی لینڈ کرکٹ بورڈ کے مطابق دونوں ٹیموں کے درمیان تین ٹی ٹونٹی اور تین ایک روزہ بین الاقوامی میچوں کی سیریز کھیلی جائے گی، دونوں ٹیموں کے درمیان ٹی ٹونٹی سیریز کا پہلا میچ 15 جنوری کو آکلینڈ، دوسرا میچ 17 جنوری کو ہملٹن جبکہ تیسرا اور آخری میچ 22 جنوری کو کھیلا جائے گا۔ اس کے بعد دونوں ٹیموں کے درمیان ون ڈے سیریز کا پہلا میچ 25 جنوری کو بیسن ریزرو، دوسرا میچ 28 جنوری کو نیپیئر جبکہ تیسرا اور آخری میچ 31 جنوری کو آکلینڈ میں کھیلا جائے ۔