اسلام آباد(نیوز ڈیسک)روسی سکیورٹی فورسز کے سربراہ کا کہنا ہے کہ بارودی مواد کے نشانات مل گئے ہیں،سینائی میں روسی طیارے کو دہشتگردوںنے تباہ کیا۔ تفصیلات کے مطابق روس کی سکیورٹی فوس کے سربراہ کا کہناہے کہ مصر کے صحرا سینا میں تباہ ہونے والا روسی مسافر طیار ہ وسی طیارہ دہشتگرد حملے میں گرایا گیا،طیارے کو ایک کلو ٹی ایم ٹی بارودی مواد سے تباہ کیا گیا جس کے شواہد بارودی مواد کے نشانات کی صورت میں مل گئے ہیں۔سکیورٹی سربراہ نے بتایا کہ طیارے کو تبادہ کرنے کیلئے دیسی ساختہ بم استعمال کیا گیا۔دریں اثنا روسی صدر ولادی میر پیوٹن کا کہنا ہے کہ طیارے کی تباہی کے ذمہ داروں کو ڈھونڈ نکالیں گے اور روس شام میں داعش کے ٹھکانوں کیخلاف فضائی حملوں میں شدت لائے گا۔