لاہور(نیوزڈیسک) لاہور کے علاقے کوٹ لکھپت سے ایک ماہ قبل خاتون کی بوری بند لاش ملنے کا معمہ حل ہو گیا ہے۔ مقتولہ تسلیم بی بی کو قتل کرنے کا مرکزی ملزم مقامی ٹرانسپورٹ کمپنی کا مالک ہے جسے پولیس نے گرفتار کر لیا ہے۔ پولیس ذرائع کے مطابق ملزم انور قصائی عبداللہ ٹریولز کا مالک ہے۔ مقتولہ تسلیم بی بی ملزم انور قصائی کے گھر پر ملازمہ تھی۔ ناجائز تعلقات قائم ہونے کے بعد ملزم تسلیم سے جان چھڑانا چاہتا تھا۔ پولیس کے مطابق ملزم انور قصائی نے نگینہ بی بی، شازیہ بی بی، شہباز اور سلمان کی مدد سے تسلیم کو قتل کروایا۔