لندن (نیوز ڈیسک )برطانوی میڈیا کے مطابق پیرس حملوں کے ماسٹر مائنڈ کو شناخت کر لیا گیا ہے ،ماسٹر مائنڈ کی شناخت عبدالحامد کے نام سے ہوئی ہے جو کہ بلجیئم کا رہنے والا ہے۔ تحقیقاتی ذرائع نے ایسوسی ایٹڈ پریس اور روئٹرز کو بتایاکہ مرکزی ملزم عبدالحامد عباد نے گزشتہ سال اگست میں ایمسٹرڈیم سے پیرس آنیوالی ہائی سپیڈٹرین پر بھی حملے کی کوشش کی تاہم ناکام رہے ، اس کیساتھ تین امریکی شہری بھی تھے جنہوں نے گارڈ پر حملہ کیا۔قبل ازیں پیرس کے سرکاری وکیل کے دفتر سے جاری ہونے والی پریس ریلیز کے مطابق دو خودکش حملہ آوروں احمد المحمد اور سمعی امیمور کو شاخت کر لیا گیا ہے۔المحمد نے سٹیڈیم میں خود کو دھماکے سے اڑا لیا تھا۔ اور اگر ان کی لاش کے نزدیک پایا جانے والا پاسپورٹ اصلی ہے تو اس صورت میں وہ 10 ستمبر 1990 کو شام کے شہر ادلب میں پیدا ہوئے تھے۔امیمور ان خودکش حملہ آوروں میں شامل ہیں جنھوں نے بٹاکلان پر حملہ کیا تھا۔ وہ 15 اکتوبر 1987 کو پیرس میں پیدا ہوئے تھے۔دوسری جانب نجی ٹی وی چینل کے مطابق پیرس حملوں میں ملوث چار خود کش حملہ آوروں کی شناخت ہوگئی ہے۔ چاروں حملہ آور فرانسیسی شہری تھے۔ جبکہ کنسرٹ ہال پر حملے میں مطلوب ایک شخص کو مفرور قرار دے دیا گیا ہے