لاہور(آن لائن) کرکٹر عمراکمل نے پی سی بی کے شوکاز نوٹس پر اپناجواب جمع کرادیا ہے۔ تفصیلات کے مطابق عمر اکمل نے شوکاز نوٹس کا جواب سلیکشن کمیٹی کے رکن سبحان احمد کے دفتر میں جمع کرایا ہے جس میں انہوں نے موقف اپنایا ہے کہ شادی کی تقریب میں انتظامیہ کو بتا کر گیا تھاسنٹرل کنٹریکٹ اور ڈسپلن کی کوئی خلاف ورزی نہیں کی۔ اس موقع پر عمراکمل نے میڈیا سے گفتگو نہ کی ، ان کا کہنا تھا کہ پی سی بی کے شوکاز نوٹس کا جواب جمع کرادیا شوکاز نوٹس پر میڈیا سے بات نہیں کرسکتا۔واضح رہے کہ کرکٹر عمر اکمل حیدر آباد میں ایک شادی کی تقریب میں شریک کی تھی جہاں انہیں ڈانس کرنے کی پاداش میں انگلینڈ کے خلاف ٹی 20 سکواڈ سے ڈراپ کردیا گیا تھا اور پی سی بی کی طرف سے شوکاز نوٹس بھی جاری کیا گیا تھا۔