میانوالی(نیوز ڈیسک )عمران خان جو کہ بلدیاتی انتخابات کے سلسلے میں اپنے آبائی علاقے پشاور کے دو روزہ دورے پر وہاں موجود ہیں کو عیسیٰ خیل جاتے ہوئے ان کے مقامی کارکنوں نے راستے میں روک لیا۔کارکنوں نے پی ٹی ٰآئی چیئرمین کے قافلے کو راستے میں روک کر ٹکٹوں کی غیر منصفانہ تقسیم کیخلاف شدید احتجاج کیا۔کارکنوں کا کہنا تھا کہ جن لوگوں میں ٹکٹیں تقسیم کی گئی ہیں وہ لوگ علاقے میں غیرمعروف ہیں۔اس موقع پر مظاہرین نے سیاہ پرچم اٹھا رکھے تھے۔کارکنوں کے احتجاج پر عمران خان اپنی گاڑی سے باہر نکل آئے اور کارکنوں کو مطمئن کرتے ہوئے اعتماد میں لیا۔واضح رہے کہ میانوالی عمران خان کا آبائی علاقہ ہے جہاں بلدیاتی انتخابات کے دوسرے مرحلے میں انتخابات کا انعقا د ہونا ہے۔