ٹوبی ٹیک سنگھ(نیوز ڈیسک)وزیراعظم نواز شریف نے موٹروے ایم 4کے دوسرے سیکشن کا افتتاح کر دیا۔ ترجمان وزیراعظم ہاو س کی جانب سے جاری بیان میں کہا گیا ہے ایم 4موٹروے سے ملک کے شمال جنوب کے شاہراتی نظام کو توسیع دے گااورپاکستان کو راہداری کے طور پر مستحکم کرے گا۔ موٹروے سے سفر کی لاگت کم ہوگی اور تجارت کو فروغ ملے گا۔ وفاقی و صوبائی وزرا، اراکےن قومی و صوبائی اسمبلی اور اعلی افسران کیبڑی تعداد اس موقع پر موجود تھی۔ اس موقع پر سکیورٹی کے سخت انتظامات کئے گئے ہیں۔وزیراعظم کو بعد میں اس پراجیکٹ کے بارے میں مکمل بریفنگ بھی دی گئی۔ 62 کلومیٹر کے اس حصے پر سترہ ارب لاگت آئے گی اور یہ منصوبہ دو سال میں مکمل ہو گا۔