لاہور(نیوز ڈیسک) پاکستان اور بھارت کے درمیان آمد ورفت کیلئے استعمال ہونیوالے واہگہ بارڈر پر ایک شخص جیپ سمیت سرحدی لائن تک پہنچ گیا ۔ذرائع کے مطابق صبح کے وقت بھارت کی جانب پاکستان آنیوالے ایک شخص نے تیز رفتار جیپ گیٹ سے ٹکرا دی جس وجہ سے گیٹ ٹوٹ گیا ، تاہم کسی قسم کا جانی نقصان نہیں ہوا۔بھارتی فورسز نے جیپ سمیت ڈرائیور کو حراست میں لے لیا ہے ۔ بڑے حادثے سے بچنے کیلئے پاکستان کی جانب سے فوری طورپر حفاظتی اقدامات اٹھائے گئے ہیں ۔ گیٹ ٹوٹنے کی وجہ سے دونوں ملکوں کے درمیان آمد ورفت معطل ہوگئی ہے ۔