واشنگٹن(نیوزڈیسک)کیاتیسری جنگ عظیم کاآغازہوچکا؟۔فرانس کے دارلحکومت پیرس میں دھماکوں کے بعد امریکااورمغربی ممالک نے اس امرپرغورکرناشروع کردیاہے کہ داعش اب امریکااورمغرب کے خلاف ایک بڑی طاقت بن کرسامنے آرہی ہے اوراس سلسلے میں مختلف مغربی ممالک کے رہنماﺅں کے پیرس حملوں کے بارے میں ٹوئیٹس سے یہ ظاہرہوتاہے کہ یہ تمام ممالک ایک بارپھرمتحد ہوکرداعش کے خلاف بڑی کارروائی کرسکتے ہیں دوسرے الفاظ میں اس کوتیسری عالمی جنگ سے بھی مشابہت دی جارہی ہے ۔امریکہ کے ہوم لینڈ سیکورٹی کے وزیر جانسن نے کہا ہے کہ ہوم لینڈ سیکورٹی اور ایف بی آئی پیرس واقعات کا جائزہ لے رہے ہیں ، ہمارا علاقائی حکام سے بھی قریبی رابطہ ہے۔امریکی وزیر خارجہ ایشٹن کارٹر نے بھی ایک بیان میں کہا کہ یہ فرانس پر بربریت نہیں بلکہ پوری انسانیت پر حملہ ہے۔ نیٹواتحادی اور داعش کیخلاف متحد ہونے کے باعث ہم مغربی افریقہ سے بحر ہند تک اور امریکہ سے فرانس تک شانہ بشانہ جنگ لڑ رہے ہیں۔ صدارتی امیدوار ہیلری کلنٹن نے کہا کہ امریکہ دنیا بھر میں دہشت گردی کیخلاف اپنے اتحادیوں کیساتھ ہے ، اس تاریک رات میں بھی پیرس روشن رہا ہے اور کوئی دہشت گرد فرانسیسی عوام کے جذبے اور جمہوری اقدار کے تحفظ کے لئے ہمارے عزم کو متزلزل نہیں کرسکتا۔