لاہور(نیوزڈیسک)جے یوآئی (ف) کے سربراہ مولانا فضل الرحمن فرانس میں پیش آنے والے دہشت گردی کے واقعہ کی تو مذمت کی مگر ساتھ ہی ساتھ مغرب کو اپنی پالیسیوں پر نظرثانی کا مشورہ دیدیا۔ کہتے ہیں کہ پندرہ سال سے اسلامی دنیا پر مغرب آگ برسا رہا ہے۔ جمعیت علماء اسلام کے سربراہ کا کہنا تھا کہ ٓئی ایس پی آر کی پریس ریلیز کو تنقید کی بجائے تجویز کے طور پر لینا چاہیے۔ انکا کہنا تھا کہ وہ جمہوریت اور آئین کے ساتھ کھڑے ہیں مگر کسی کو تصادم کا مشورہ نہیں دے سکتے۔ مولانا نے عمران خان کے جادو ٹونے پر یقین رکھنے کے سوال کا تو جواب نہیں دیا مگر انکی سیاست کو بچگانہ ضرور قرار دیدیا۔ جمعیت علماء اسلام کے سربراہ نے وزیر اعظم نواز شریف کے لبرل پاکستان کے بیان پر تشویش کا اظہار کرتے ہوئے کہ وہ وزیراعظم سے ملکر وضاحت مانگیں گے کہ انہوں نے آئین سے متصادم بیان کیسے دیدیا۔