عمرکوٹ(نیوز ڈیسک) تحریک انصاف کے چیرمین عمران خان نے پیپلز پارٹی کے چیرمین بلاول بھٹو زرداری کو تنقید کا نشانہ بناتے ہوئے کہا ہے کہ بلاول بیٹا میرے پاس آومیں تمھیں بتاو¿ں گا کہ لیڈر کیسے بنتے ہیں۔عمرکوٹ میں کارکنوں سے خطاب کرتے ہوئے عمران خان کا کہنا تھا کہ بلاول جمہوریت میں تقریرنہیں کرسکتے اور لکھ کر تقریر کرنے والا کبھی لیڈر نہیں بن سکتا یہ بادشاہت ہے اس لئے وہ تقریرکررہے ہیں۔ انہوں نے بلاول بھٹو زرداری کو تنقید کا نشانہ بناتے ہوئے کہا کہ بلاول بیٹے تقریربعد میں کرنا پہلے اپنی تعلیم تو بتاو¿، لکھی ہوئی تقریر پڑھنے سے کوئی لیڈر نہیں بنتا، میرے پاس آو میں تمھیں بتاو¿ں گا کہ لیڈر کیسے بنتے ہیں، تمھیں سکھاو¿ں گا کہ پہلا اور دوسرا قدم کس طرح رکھنا ہے۔چیئرمین تحریک انصاف کا کہنا تھا کہ ہرشخص کے اندر خوف ہوتا ہے، میرے اندر بھی خوف تھا لیکن میں نے اسے ختم کیا اور زندگی میں بہت اونچ نیچ دیکھی جب کہ 2 بار گرچکا ہوں اس لئے اب گرنے کا خوف نہیں اور کئی بار گر کر اٹھا ہوں، اب ہار بھی مجھے نہیں ہرا سکتی،عمران کے پاس اربوں ڈالرنہیں صرف ایک بڑا خواب ہے۔ ان کا کہنا تھا کہ سندھ کے لوگ غلامی کررہے ہیں انھیں کوئی حقوق حاصل نہیں، کرسی چھن جانے کے ڈر سے ظالم صاف اور شفاف الیکشن نہیں ہونے دیں گے، یہ کرسی نہیں چھوڑسکتے کیونکہ کرسی میں پیسا اور طاقت ہے اور کر سی کی وجہ سے ہی یہ ظلم کرتے ہیں، کرسی کی وجہ سے کمزور لوگوں کو انتظامیہ اور پولیس کی مدد سے غلام رکھتے ہیں۔واضح رہے کہ عمران خان ان دنوں بلدیاتی انتخابات کی مہم کے سلسلے میں دو روز کے لئے سندھ کے دورے پر آئے ہوئے ہیں۔ گزشتہ روز بھی انہوں نے کارکنوں سے خطاب کرتے ہوئے مسلم لیگ (ن) اور پیپلز پارٹی کو شدید تنقید کا نشانہ بناتے ہوئے کہا تھا کہ آخری سانس تک مافیا کے خلاف لڑتا رہوں گا۔
مزید پڑھئیے:ریحام خان نے کس طرح پی ٹی آئی کو اپنے ذاتی اور مالی مفاد کے لئے استعمال کیا؟ تہلکہ خیز انکشافات
ریحام خان کے کمرے سے کیا نکلا ؟ ایک سینئر تجزیہ کار نے ہر راز سے پردا ہٹا دیا