اسلام آباد (آن لائن)وفاقی وزیردفاع خواجہ آصف نے کہاہے ہماری منتخب حکومت ہے ہمیں اپنی ذمہ داری پوری کرنی ہے ،سول اورعسکری قیادت قومی معاملات ایک ہی صفحہ پرہیں ،حکومت اپنی کارکردگی کے حوالے سے عوام کوجواب دہ ہے ۔نجی ٹی وی سے گفتگوکرتے ہوئے انہوںنے کہاکہ دہشتگردی کے خلاف جنگ میں بڑی کامیابیاں ملی ہیں ،دنیاکی کوئی بھی فوج اتنی کامیابی حاصل نہیں کرسکتی ،افغانستان میں نیٹووہ کچھ نہیں کرسکی جوہماری فوج نے ڈیڑھ سال میں کردکھایا۔انہوںنے کہاکہ حکومت اپنی کارکردگی کے حوالے سے عوام کوجوابدہ ہے ،فاٹاکے بہترمستقبل کیلئے اصلاحات لارہے ہیں ،2018ءمیں اپنی کارکردگی کی بنیادپرعوام کی عدالت میں جائیں گے۔