اسلام آباد(نیوزڈیسک) قومی اسمبلی کے اسپیکر کے انتخاب کےلئے ایک رکن پارلیمنٹ کی جانب سے اپنے ووٹ پر اپنے غصے کا اظہار کیا گیا میڈیا رپورٹ کے مطابق اسپیکر کے انتخاب کے لئے 300 اراکین نے اپنا حق رائے دہی استعمال کیا جس میں سے ایک ووٹ کو مسترد کردیا گیا۔ مسترد شدہ ووٹ پر پارلیمنٹ کی کارکردگی سے مایوس رکن کی جانب سے سرخ سیاہی سے تحریرکیا گیا تھا کہ یہ پارلیمنٹ ملک دشمن عوام دشمن اور کسان دشمن ہے اس لئے اسے ووٹ دینا جرم ہے.ووٹ پر سرخ سیاہی سے کراس کا نشان بھی بنایا گیا تھا جو رکن کی مایوسی ظاہرکرتی ہے۔ ایک نجی ٹی وی کے مطابق مسترد شدہ ووٹ مظفر گڑھ سے رکن اسمبلی جمشید دستی کا ہے ۔