دبئی.(نیوزڈیسک)پاک فضائیہ کے سربراہ نے کہا کہ 18 ماہ میں پاکستان ائر فورس نے دہشت گردوں کیخلاف بڑی کامیابیاں حاصل کی ہیں ، دنیا کے ایئرفورس حکام نے وزیرستان میں دہشت گردوں کے خلاف پاک فضائیہ کی کارکردگی کو خوب سراہا۔دبئی میں ساتویں ایئرچیفس کانفرنس سے خطاب کرتے ہوئے ائرچیف مارشل سہیل امان کا کہنا تھا کہ جون دوہزار چودہ سے جاری آپریشن ضرب عضب میں پاک فضائیہ نے قابل فخر کردار ادا کیا۔ دہشت گردوں کو تین ہزار فیٹ کی بلندی سے بھی نشانہ بنایا گیا مگر شہریوں کا کوئی جانی نقصان نہیں ہوا۔ائر چیف نے مزید کہا کہ اہداف کا تعاقب کرتے وقت اپنے ہی لوگوں کو نشانہ نہیں بنایا جاسکتا اور پاک افغان سرحدی علاقے میں یہ خطرہ سب سے زیادہ ہوتا ہے جہاں دہشت گرد با آسانی چھپ جاتے ہیں۔ اہداف کے تعاقب کے لیے بہتر ہتھیار اوردرست معلومات کا ہونا ضروری ہے۔دبئی میں ہونے والی اس کانفرنس میں کئی ممالک کے ائرفورس حکام نے شرکت کی اور وزیرستان میں دہشت گردوں کے خلاف پاک فضائیہ کی کامیابیوں کو سراہا۔ائیر چیف کانفرنس میں ، 20 سے زائد ممالک کی ائیر فورس کے افسران اور ائیر چیف شرکت کر رہے ہیں۔بین الاقوامی ائیر کانفرنس میں ، پاکستان ائیر فورس کے سربراہ چیف مارشل سہیل امان اور دیگر پاک فضائیہ کے حکام بھی شریک ہیں۔متحدہ عرب امارات کے ائیر فورس کمانڈر میجر جنرل ابراہیم کا کہنا تھا کہ یمن میں سعودی عرب کی قیادت میں باغیوں کے خلاف کامیابی آپریشن جاری ہے، متحدہ عرب امارات کو کوئی خطرہ نہیں مگر خطہ تنازعات کا شکار ہے۔امریکی کمانڈر یو ایس ائیر فورس، سینٹر کمانڈ چارلس کیو براؤن نے خطاب کرتے ہوئے کہا کہ موجودہ دہائی میں گذشتہ دہائی کے مقابلے میں مختلف چیلنجز درپیش ہیں ،ایران کے ساتھ معاہدے کے بعد خطہ میں مثبت تبدیلیاں آئیں گی ۔