واشنگٹن(آن لائن)امریکی سینیٹرٹی کینی نے کہا ہے کہ نوازشریف حکومت دہشتگردی کے خلاف مخلصانہ اندازمیں نبردآزماہے ،ملک میں جمہوریت درست سمت میں چل رہی ہے ۔گزشتہ روزانہوںنے ان خیالات کااظہارسینٹ کی خارجہ کمیٹی میں اظہارخیال کرتے ہوئے ہوئے کیا۔سینیٹرٹی کینی کاکہناتھاکہ 2013ءکے الیکشن کے بعدملک میں جمہوریت کی سمت درست سمت میں چل رہی ہے ،موجودہ حکومت دہشتگردی کے خلاف مخلصانہ اندازمیں نبردآزماہے ،دہشتگردی کے خلاف پاک فوج کی قربانیاں بھی قابل تحسین ہیں ۔انہوںنے کہاکہ دہشتگردوں کے ٹھکانے اب بھی پاکستان کے قبائلی علاقوں میں موجودہیں ،پاک فوج جواں مردی کے ساتھ دہشتگردوں کامقابلہ کررہی ہے۔