لاہور( این این آئی)ڈی آئی جی آپریشنز فیصل کامران نے کہا کہ وزیراعلی پنجاب مریم نواز نے دو غیرملکی کے واقعہ کا نوٹس لیا،
کیس میں تمام قانونی تقاضے پورے کیے گئے۔ پریس کانفرنس کے دوران ڈی آئی جی آپریشن نے بتایا کہ لاہور میں لڑکیوں نے گاڑی سے بھاگ کر دکان میں پناہ لی، گاڑی کہاں کہاں سے گزری تمام ریکارڈ ٹریس کیا گیا۔
وزیراعلی پنجاب نے میرٹ پر تفتیش کا حکم دیا ہے، یہ کیس لاہور پولیس دیکھے گی سی سی ڈی نہیں، معلوم نہیں خواتین کا 164کا بیان کیسے لیک ہوا، دونوں خواتین کا میڈیکل کروانے کے لئے جوڈیشل مجسٹریٹ کے آرڈر ضروری تھے ، ڈیوٹی پر موجود نہ ہونے کی وجہ سے ایک ایس ایچ اوکو جوڈیشل مجسٹریٹ کے گھر بھیجا گیا۔ باس نامی شخص کا نام وحید ہے اور اس پر 10 مقدمات درج ہیں۔
