اسلام آباد (نیوز ڈ یسک)چین میں ایک عجیب و غریب واقعہ پیش آیا جس نے لوگوں کو حیران کر دیا،
اگرچہ اس کا انجام واضح طور پر سامنے نہیں آ سکا۔بین الاقوامی میڈیا کے مطابق ایک خاتون نے اپنے شوہر کی بے وفائی کا شبہ ہونے پر اسے رنگے ہاتھوں پکڑنے کے لیے خطرناک قدم اٹھایا اور اس کے چلتے ہوئے ٹرک کے پچھلے حصے سے لٹک گئی۔یہ واقعہ چین کے صوبہ سنکیانگ کے علاقے مارالبی شی میں پیش آیا، جہاں ٹریفک پولیس کو موٹر سائیکل سواروں کی اطلاع پر معلوم ہوا کہ ایک خاتون پک اپ گاڑی کے عقب میں لٹکی ہوئی ہے۔ویڈیو میں دیکھا جا سکتا ہے کہ خاتون گاڑی کے پچھلے حصے کی سلاخوں کو مضبوطی سے تھامے ہوئے تھی۔ پولیس کے مطابق اسے اپنے شوہر پر کسی اور سے تعلق کا شبہ تھا، اسی وجہ سے وہ اس کے پیچھے لٹک کر اس کی نگرانی کرنا چاہتی تھی۔
حکام کا کہنا ہے کہ یہ خاتون خوش قسمت رہی کہ اسے کوئی نقصان نہیں پہنچا، کیونکہ تیز رفتاری یا خراب سڑک کی صورت میں اس کی جان کو شدید خطرہ لاحق ہو سکتا تھا۔پولیس نے غفلت برتنے پر شوہر کو 200 یوان (تقریباً 29 ڈالر) جرمانہ کیا اور اس کے ڈرائیونگ لائسنس سے 3 پوائنٹس بھی منہا کر دیے، کیونکہ اس نے گاڑی چلانے سے قبل مناسب چیکنگ نہیں کی تھی۔یہ واقعہ چینی سوشل میڈیا پر تیزی سے وائرل ہو گیا، جبکہ حکام نے اسے مثال بناتے ہوئے کہا کہ گھریلو تنازعات کو پرامن طریقے سے حل کرنا چاہیے، نہ کہ خطرناک اقدامات کے ذریعے۔
View this post on Instagram
