اسلام آباد(آن لائن) چینی صدر شی جن پنگ نے پاکستان میں زلزلے سے ہونے والی ہلاکتوں پر انتہائی افسوس کا اظہار کیا ہے۔چین کے صدر شی جن پنگ نے پاکستان میں تباہ کن زلزلے کے نتیجے میں ہونے والی سینکڑوں ہلاکتوں پر گہرے دکھ اور رنج کا اظہار کرتے ہوئے کہا ہے کہ اس مشکل گھڑی میں چینی عوام پاکستانیوں کے دکھ درد میں برابر کے شریک ہیں، صدر شی جن پنگ نے اپنے بیان میں کہا کہ ضرورت پڑنے پر پاکستان کو ہر قسم کی امداد مہیا کرنے کے لیے تیار ہیں اور انہیں یقین ہے کہ پاکستان اس قدرتی آفت سے بہتر انداز میں نمٹے گا۔