واشنگٹن(نیوز ڈیسک)وزیراعظم نوازشریف نے امریکی سینیٹ اور ایوان نمایندگان کے اراکین سے کیپیٹل ہل میں ملاقات کی ہے اورکہا ہے کہ ضرب عضب کے ذریعے ابتدائی اہداف حاصل کرلیے گئے ہیں۔کیپٹل ہل میں وزیر اعظم نواز شریف سے امریکی سینیٹ کی خارجہ تعلقات کمیٹی کے ارکان نے ملاقات کی۔ امریکی وفد کی قیادت سینیٹ خارجہ تعلقات کمیٹی کے چیئرمین باب کارکر کررہے تھے۔ انسداد دہشتگردی میں امریکی کانگریس کے تعاون پر وزیراعظم نوازشریف نے اظہارِتشکر کیا اورکہاکہ آپریشن اب فیصلہ کن مرحلے ییں داخل ہوگیاہے۔وزیراعظم نے امن اور مفاہمت کیلیے افغان قیادت سے رابطے جاری رکھنے کابھی عزم دہرایا۔وزیراعظم نے بعد ازاں امریکی ایوان نمائندگان کے وفد سے ملاقات کی۔ امریکی وفد کی قیادت چیئرمین ایڈرائس کررہے تھے۔