اوکاڑہ (آن لائن) قومی اسمبلی کے حلقہ این اے 144 اوکاڑہ کے ضمنی الیکشن میں کامیابی حاصل کرنے والے آزاد امیدوار ریاض الحق جج نے مسلم لیگ (ن) میں شمولیت کیلئے حکومت سے وفاقی وزارت مانگ لی ۔ میڈیا رپورٹس کے مطابق مسلم لیگ ن اور تحریک انصاف کے امیدواروں کو شکست دینے والے ریاض الحق جج نے ن لیگ میں شمولیت کیلئے مطالبات کا پہاڑ کھڑا کردیا ہے۔ انہوں نے مسلم لیگ سے وفاقی وزارت مانگی ہے اور یہ بھی مطالبہ کیا ہے کہ بلدیاتی انتخابات میں اوکاڑہ کا چیئرمین انکی مرضی کا منتخب کیا جائے۔ میڈیا رپورٹس کے مطابق ن لیگ ریاض الحق جج کے کچھ مطالبات مان لئے اور کچھ پر بات چیت جاری ہے۔