اسلام آباد( این این آئی)وفاقی حکومت نے نئے مالی سال 26-2025کا بجٹ عید سے پہلے پیش کرنے کا فیصلہ کرلیا۔ذرائع کے مطابق عید الاضحی کے پیش نظر پارلیمنٹ کا بجٹ اجلاس قبل از وقت بلانے کی تجویز زیر غور ہے،نیا بجٹ 3سے 5جون کے دوران پارلیمنٹ میں پیش ہو سکتا ہے۔

عید سے دو یا تین روز پہلے قومی اسمبلی میں بجٹ پیش ہونے کا امکان ہے، نئے بجٹ کی منظوری کا عمل عید کی چھٹیوں کے فوری بعد شروع کر دیا جائے گا۔آئی ایم ایف کے ساتھ نئے مالی سال کے بجٹ پر مشاورت کی جائے گی، آئی ایم ایف کا مشن 14مئی کو پاکستان پہنچے گا۔ سالانہ ٹیکس ریونیو، ترقیاتی بجٹ سمیت اہم اہداف کی آئی ایم ایف سے منظوری لی جائے گی۔