لاہور(نیوز ڈیسک)تحریک انصاف کے سربراہ عمران خان نے کہا ہے کہ پنجاب پولیس ن لیگ کا عسکری ونگ ہے ، ن لیگ پوری قبضہ گروپ ہے ،11اکتوبر کو لاہورکا فیصلہ تحریک انصاف کے حق میں ہوگا۔لاہور میں انتخابی جلسے میں عمران خان نے اپنے پرجوش خطاب میں ن لیگ کو خوب لتاڑا ، پنجاب پولیس اور الیکشن کمیشن پر بھی کڑی تنقید کی۔عمران خان کا کہناتھا جینا مرناپاکستان کےساتھ ہے برے وقت میں جدہ اورلندن نہیں بھاگیں گے۔عمران خان نے کہا کہ شیخ رشید گواہ ہیں کہ نواز شریف نے ایک خلیجی ملک سے پیسہ لیا ، بے نظیر بھٹو کی حکومت گرانے کیلئے اسامہ بن لادن سے بھی پیسہ لیا،نوازشریف بتائیں ان کے بیٹوں نے کتنا ٹیکس دیا۔پی ٹی آئی کے چیئرمین کا کہناتھا کہ وہ غدار نہیں ، غدار وہ ہیں جو ملک کا پیسہ چوری کرکے باہر لے گئے ہیں۔دل سے کہتا ہوں کہ 11اکتوبر کو لاہور کا فیصلہ تحریک انصاف کے حق میں ہوگا، میاں صاحب اگر شیر ہو تو گیڈروں جیسی حرکتیں کیوں کرتے ہو