اسلام آباد (این این آئی)پاکستان میں 700واٹ سے زیادہ بجلی پیدا کرنے والی سولر پلیٹ نے انٹری دے دی ہے۔میڈیا رپورٹ کے مطابق سولر ٹیکنالوجی کمپنی ٹرائناسولر نے اپنی سولر پلیٹوں کی جدید ورٹیکس این 720 واٹ (Vertex N 720W) سیریز پاکستان میں متعارف کرادی، کمپنی نے دعوی کیا ہے کہ یہ پینلز جدید ترین این ٹائپ اور آئی ٹاپ کون سیل ٹیکنالوجی کا استعمال کرتے ہوئے زیادہ سے زیادہ 720واٹ کی پاور آٹ پٹ جنریٹ کرسکتے ہیں۔

کمپنی کے مطابق یہ کم روشنی والے حالات میں بھی اچھی بجلی پیدا کرنے کی صلاحیت رکھتے ہیں۔کمپنی کے مطابق انتہائی درجہ حرارت اور الٹرا وائلیٹ انحطاط کو برداشت کرنے کیلئے ان پینلز کی سخت ٹیسٹنگ کی گئی ہے۔کمپنی کے مطابق زیادہ پینلز خریدنے کی بجائے آپ کم پینلز سے ہی کام چلا سکتے ہیں، فی ماڈیول زیادہ پاور آٹ پٹ سے کم پینلز کی ضرورت ہوتی ہے، جس سے ریکنگ، وائرنگ اور مزدوری سے متعلق اخراجات کم ہوتے ہیں۔