راجووال (این این آئی )معمولی جھگڑاپر چھوٹے نے بڑے بھائی کو فائرنگ کر کے قتل کر دیا۔تفصیلات کے مطابق گائوں 10فور ایل کے رہائشی نوجوان عامر کا اپنے بڑے بھائی ایوب سے گھریلو معاملات میں اکثر جھگڑا رہتا تھا ،گزشتہ روز حساس ادارے کا جوان ایوب چھٹی گزارنے گھر آیاہوا تھا جہاں اس کا اپنے بھائی عامر کے ساتھ معمولی جھگڑا ہو گیا
جس پر طیش میں آ کر عامر نے فائرنگ کر کے ایوب کو قتل کر دیا۔این این آئی کے مطابق پولیس نے مقدمہ درج کر کے ملزم عامر کو گرفتار کر لیا ہے،قاتل اور مقتول دونوں شادی شدہ ہیں اور ملزم عامر محنت مزدوری کرتا تھا۔
