اسلام آباد(این این آئی)پاکستان تحریک انصاف نے اگلے 15روز میں نیا سیاسی اتحاد بنانے کا اعلان کردیا۔جمعرات کوبانی پی ٹی آئی سے اڈیالہ جیل میں ملاقات کے بعد میڈیا سے گفتگو کرتے سابق اسپیکر قومی اسمبلی اسد قیصر نے کہاکہ ہم بڑا سیاسی اتحاد بنانے جارہے ہیں، اگلے 15روز کے اندر بڑا اتحاد بنائیں گے، ہم ہر اس پارٹی کو ساتھ ملائیں گے جو اس حکومت کے خلاف ہو، آئندہ دو ہفتے میں بڑا اتحاد بنائیں گے۔

انہوں نے کہا کہ بانی پی ٹی آئی کو غیر قانونی طور پر جیل میں رکھا گیا، بانی پی ٹی آئی سمیت تمام اسیران کیلئے آواز اٹھانی ہے،پورے ملک کے لوگوں کو جلسے میں آنا ہے تاکہ ہم بتاسکیں کہ یہ ملک آئین کے مطابق چلے گا۔انہوں ںے کہا کہ جماعت اسلامی کے دھرنے کو سپورٹ کرتے ہیں۔