لاہور(نیوزڈیسک) پاکستان تحریک انصاف کے چیرمین عمران خان نے کہا ریحام سے ایک کروڑ ڈالر میں سیٹل منٹ کی خبریں آئیں میرے پاس اتنے پیسے نہیں۔ سیٹلمنٹ کیلئے ایک کروڑ ڈالر کی ضرورت پڑتی تو نواز شریف سے قرضہ مانگتا۔ایک نجی ٹی وی چینل کے پروگرام میں گفتگوکرتے ہوئے انہوں نے کہاکہ میں ہمیشہ فیصلے پارٹی کی مشاورت سے کرتاہوں ۔ انہوں نے کہا ان پر کوئی خاتون حاوی نہیں خواہ ماں ہو یا میری بیوی اور نہ ایسا ہونے دیں گے۔ شاہ محمود قریشی کے حوالے سے پوچھے گئے سوال کے جواب میں عمران خان کا کہنا تھا کہ شاہ محمود کو پارٹی سے کوئی اختلاف نہیں سب ٹیم ایک ہے۔ شاہ محمود قریشی جنوبی پنجاب اور آجکل اوکاڑہ الیکشن میں مصروف ہیں جبکہ چودھری سرور سینٹرل پنجاب کو دیکھ رہے ہیں۔ شاہ محمود قریشی جمعہ کو لاہور کے جلسے میں آئیں گے۔۔انہوں نے کہاکہ شاہ محمودقریشی کی لاہورمیں جلسہ میں موجودگی سے زیادہ ان کی پاکستان بھرمیں پارٹی کومنظم کرنے میں اہم کردارہے ۔