راولپنڈی(این این آئی)سابق وزیر اعظم عمران خان نے چیئرمین پاکستان کرکٹ بورڈ محسن نقوی کی قومی کرکٹ ٹیم کے حوالے سے دیے گئے بیان پر ردعمل دیتے ہوئے کہا ہے کہ سب سے پہلے محسن نقوی کی سرجری ہونی چاہیے۔اڈیالہ جیل میں صحافیوں سے غیر رسمی گفتگو کرتے ہوئے انہوںنے کہاکہ محسن نقوی نے کہا ہے کہ ٹیم کی سرجری ہونی چاہیے تو بالکل سرجری ہونی چاہیے لیکن سب سے پہلے محسن نقوی کی سرجری ہونے چاہیے۔

انہوں نے بتایا کہ یہ بطور نگران الیکشن کرانے میں ناکام رہا، ہمارے فوجی شہید ہو رہے ہیں، جرائم بڑھ رہے ہیں، اسلام آباد میں ڈکیتیاں ہو رہی ان کو کوئی پروا نہیں، اس (محسن نقوی)کا امریکا میں کیا کام ہے؟بانی پی ٹی آئی نے کہا کہ محسن نقوی سب سے بڑا سفارشی ہے، اس کی کیا خصوصیات ہیں؟ اس کو نکالنا چاہیے۔