ممبئی ( نیوزڈیسک)بھارت پھر گیدڑ بھبکیوں پر اتر آیا ، بزدل بھارتی فوج آزاد کشمیر میں میانمر طرز کی کارروائی کی کھوکھلی دھمکیاں دینے لگی۔تفصیلات کے مطابق بزدل بھارتی فوج ایک بار پھر کم ظرفی پر اتر آئی اور آزاد کشمیر میں میانمر طرز کی کارروائی کی گیدڑ بھبکیاں دینے لگی ، بھارتی فضائیہ کے سربراہ ائیرچیف مارشل ار±وپ راہا نے دھمکی دی ہے کہ حکومت سبز جھنڈی دکھائے تو آپریشن شروع کرتے ہوئے ایک منٹ بھی ضائع نہیں کریں گے۔الزامات کا روایتی راگ الاپتے ہوئے ار±وپ راہا نے کہا پاکستان نے بھارت کے خلاف درپردہ جنگ شروع کی ہے ، فوج میں اتنی طاقت ہے کہ پاکستان کے زیر انتظام کشمیر میں گھس کر آپریشن شروع کر دے۔ادھر بھارتی وزیر دفاع نے بھی روایتی ہٹ دھرمی کا مظاہرہ کرتے ہوئے سیاچن سے فوجی انخلاء کی پاکستان تجویز مسترد کر دی ، بھارتی میڈیا کے مطابق منوہر پاریکر نے کہا سیاچن کے معاملے پر کوئی بات نہیں سننا چاہتے نہ ہی اس پر توجہ دیں گے۔