ریاض (نیوز ڈیسک) پاکستان کے متنازع دفاع مبصر اور یوسف کذاب کے مبینہ خلیفہ زید زمان حامد سعود ی عرب سے رہائی کے بعد پاکستان پہنچ گئے ہیں ۔ نجی ٹی وی نے اپنے ذرائع کے حوالے سے بتایا ہے کہ سعودی عرب نے زید حامد کو رہا کردیا ہے اور وہ ہفتے کی صبح پی آئی اے کی پرواز سے اسلام آباد پہنچ گئے ہیں ۔ واضح رہے کہ اب تک پاکستانی حکام نے ان اطلاعات کی تصدیق نہیں کی ہے ۔ واضح رہے کہ زید حامد کو رواں برس 19 جون کو ایک متنازع تقریر کرنے پر سعودی حکام نے گرفتار کرلیا تھا اور بعد ازاں یہ بھی اطلاعات سامنے آتی رہیں کہ انہیں 8 ماہ قید اور ہزار کوروں کی سزاءسنائی گئی ہے ۔ یاد رہے کہ گذشتہ روز پاکستانی صحافی اسد کھرل کی جانب سے بھی یہ دعویٰ کیاگیا تھا کہ زید حامد کو سانحہ کے ایام کے دوران ہلاک کردیاگیاہے ۔