لاہور (آن لائن) پا کستا ن تحریک انصاف کے چیئر مین عمران خان نے کہا ہے کہ دھاندلی کر کے عوامی مینڈیٹ چوری کرنے والوں کو 11 اکتوبر کو عوامی عدالت میں شکست دیں گے اور ایماندار لوگوں کو آگے لائیں گے ۔ عوام ملک کو سنوارنے والوں کو منتخب کریں ۔ ۔ اتوار کے روز لاہور میں چیئرمین تحریک انصاف عمران خان کی زیر صدارت ایک اجلاس ہوا جس میں این اے 122 سے تعلق رکھنے والے تحریک انصاف کے 24 کونسلرز امیدواران نے شرکت کی ۔ اجلاس کے دوران عمران خان نے این اے 122 کی انتخابی مہم کے حوالے سے کونسلرز سے بریفنگ لی، چودھری سرور ، علیم خان ، میاں اسلم اقبال ، شعیب صدیقی سمیت دیگر سینیئر رہنماﺅں نے بھی اجلاس میں شرکت کی ا س موقع پر عمران خان کا کہنا تھا کہ تحریک انصاف میں نوجوانوں اور ایماندار لوگوں کو جگہ دیں گے اور آگے لائیں گے جبکہ دھاندلی کرنے والے اور مینڈیٹ چوری کرنے والوں کو 11 اکتوبر کے روز عوامی عدالت میں ایک مرتبہ پھر شکست دیں گے اور ثابت کریں گے کہ 2013 کے انتخابات دھاندلی شدہ تھے جس میں عوامی مینڈیٹ پر ڈاکہ مارا گیا ۔ عمران خان نے این اے 122 کی انتخابی مہم کا جائزہ لیا اور تمام کونسلرز امیدواران کو ہدایت کی کہ ماضی کی غلطیوں کو دوبارہ نہ دہراہیں اور کی گئی غلطیوں سے سبق سیکھیں اور عوامی مسائل کے حل پر توجہ مرکوز کریں جبکہ این اے 122 کے ضمنی انتخابات میں مسلم لیگ (ن) کو شکست دے کر ثابت کرنا ہے کہ مسلم لیگ(ن) نے 2013 کے انتخابات میں تحریک انصاف سے عوامی مینڈیٹ چوری کیا اور دھاندلی سے حکومت بنائی ۔ دوسری طرف سابق سپیکر قومی اسمبلی ایاز صادق کا کہنا تھا کہ این اے 122 کے ضمنی انتخاب کے حوالے سے انتخابی مہم میں مصروف ہوں اور ایک مرتبہ پھر انتخاب جیت کر قومی اسمبلی میں جاﺅں گا ۔ ایک سوال کے جواب میں ان کا کہنا تھا کہ نیب کے بارے میں کچھ علم نہیں کہ ہو کیا کر رہی ہے ضمنی انتخاب کی مہم چلا رہا ہوں ۔نیب کے بارے میں کچھ نہیں کہہ سکتا ۔