اسلام آباد(نیوز ڈیسک)کروڑوں روپے کے ٹیکس چوری کے الزام میں لاہور میں وزیراعظم کے رشتے داروں کی گرفتاری کے لیے چھاپے مارے گئے۔تاہم کوئی گر فتاری عمل میں نہ آ سکی۔ وزیراعظم ہاﺅس کا کہنا ہے کہ قانون توڑنے والوں کے خلاف کارروائی کی جائے، کوئی قانون سے بالاتر نہیں ہے۔تفصیلات کے مطابق ان لینڈ ریونیو کے ڈپٹی کمشنر عمر ریاض نے ایف بلاک ماڈل ٹاﺅن میں حسیب وقاص اور عبداللہ شوگر ملز کے ڈائریکٹروں میاں حسیب الیاس،میاں وقاص الیاس کی گرفتاری کے لیے چھاپہ مارا لیکن کوئی ہاتھ نہ آیا۔ حسیب الیاس وزیر اعظم نواز شریف کے کزن کے بیٹے ہیں جبکہ میاں وقاص الیاس بھی قریبی رشتہ دار ہیں ، ان لینڈ ریونیو کے مطابق حسیب وقاص شوگر ملز 11کروڑ 30لاکھ اور عبداللہ شوگر ملز 15کروڑ 40لاکھ روپے کی نادہند ہ ہے۔ ان کے خلاف 17مارچ 2015 ءکو مقدمات درج کئے گئے۔سینٹرل اسپیشل جج کسٹمز نے دیگر 3ڈائریکٹروںمصطفے رضا،حافظ عرفان بٹ اوربریگیڈیئر ریٹائرڈ اکرم کو بھی 28 ستمبر کو پیش کرنے کا حکم دیا ہے۔ا±دھر ترجمان وزیر اعظم ہاﺅس کا کہنا ہے کہ شریف فیملی کا ان شوگرملوں کے کاروبارسے کوئی تعلق نہیں ،جو بھی قانون توڑے گا اس کو معاف نہیں کیا جائے گا۔ حکومت اداروں کے کاموں میں رکاوٹ نہیں ڈالے گی۔