اسلام آباد (این این آئی)سابق وفاقی وزیر اطلاعات و نشریات فواد چوہدری نے پچھلے 15 برسوں کے دوران چوتھی بار پارٹی چھوڑ دی ہے۔تفصیلات کے مطابق2008 کے بعد وہ پرویز مشرف کی آل پاکستان مسلم لیگ کے رکن بنے، وہ اس دوران پرویز مشرف کے ترجمان بھی رہے۔مارچ 2012 میں وہ آل پاکستان مسلم لیگ سے مستعفی ہو کر پیپلز پارٹی میں شامل ہو گئے تھے، انہیں وزیراعظم یوسف رضا گیلانی کا معاون خصوصی برائے اطلاعات و سیاسی امور مقرر کیا گیا۔

یوسف رضا گیلانی کی نااہلی کے بعد راجا پرویز اشرف وزیراعظم بنے تو فواد چوہدری کا عہدہ برقرار رکھا گیا۔پیپلز پارٹی چھوڑ کر وہ کچھ روز کیلئے مسلم لیگ ق کا حصہ بھی بنے لیکن 2013 کے الیکشن کے بعد بلاول بھٹو کے ترجمان رہے۔فواد چوہدری نے جون 2016 میں تحریک انصاف میں شمولیت اختیار کرلی، وہ 2018 میں جہلم سے الیکشن جیت کر وزیر اطلاعات مقرر کیے گئے۔