لاہور (این این آئی)بھارتی حکام نے نئی دہلی میں ہونے والی ایشین ٹریک سائیکلنگ چیمپئن شپ کے لیے پاکستانی سائیکل سواروں کو ویزا دینے سے انکار کر دیا ہے۔تفصیلات کے مطابق پاکستانی سائیکلسٹ 2022 ایشین ٹریک سائیکلنگ چمپئن شپ میں حصہ لینے کے لیے 15 جون کو نئی دہلی روانہ ہونے والے ہیں لیکن انہیں ابھی تک پڑوسی ملک کا سفر کرنے کے لیے ویزا نہیں دیا گیا۔پاکستان سائیکلنگ فیڈریشن کے سیکرٹری معظم خان نے بتایا کہ ٹورنامنٹ میں پانچ پاکستانی سائیکلسٹ حصہ لینے والے ہیں لیکن انہیں ابھی تک ویزے نہیں ملے ہیں اور ان کے مقابلے میں حصہ لینے کے لیے صرف دو دن باقی ہیں۔