راولپنڈی (این این آئی)راولپنڈی میں اسکول وین ڈرائیور نے 12 سالہ اسپیشل چائلڈ کو مبینہ زیادتی کا نشانہ بناڈالا۔پولیس کے مطابق مبینہ زیادتی کا نشانہ بنائے جانے پر اسکول وین ڈرائیور کے خلاف مقدمہ درج کرلیا گیا جو بچے کی والدہ کی مدعیت میں تھانہ ویسٹریج میں درج کیا گیا ۔
ایف آئی آر کے مطابق اسپیشل چائلڈ کے ساتھ مبینہ زیادتی کا واقعہ اسپیشل بچوں کے اسکول میں پیش آیا، اسکول واپسی پربچے نے بتایاکہ اس کے ساتھ وین ڈرائیور نے اسکول کے کمرے میں زیادتی کی۔پولیس نے بتایا کہ وین ڈرائیور ملزم شہزاد کو گرفتار کرلیا گیا اور اس سے مزید تحقیقات جاری ہیں۔
