حافظ آباد(این این آئی)حافظ آباد سے تعلق رکھنے والی سابق وفاقی وزیر صحت اور ن لیگ کی مرکزی راہنما سائرہ افضل تارڑ بھی کورونا کا شکار ہوگئیں۔ تفصیلات کے مطابق محترمہ سائرہ افضل تارڑ کی گذشتہ دو روز سے مبینہ طور پر طبعیت ناساز تھی۔ جس پر انہوں نے کورونا ٹیسٹ کروایا
تو وہ پازیٹو آگیا ۔ جس کے بعد سائرہ افضل تاڑ نے خو د کو اپنے گھر میں قرنطینہ کرلیا۔ سائرہ افضل تارڑ نے کہا ہے کہ کورونا جس تیز ی کے ساتھ پھیل رہا ہے۔عوام کو احتیاطی تدابیر اختیار کرنا ہونگیں۔ انہوں نے کارکنوں اور عوام سے اپیل کی کہ وہ انکی جلد صحت یابی کے لئے دعاکریں۔
