اسلام آباد (این این آئی) پاکستان پیپلز پارٹی کے چیئر مین بلاول بھٹو زر داری نے کہا ہے کہ خوفزدہ وزیراعظم نے آدھی رات کو قوم سے خطاب کیا، عمران خان کو خوف ہے پی ٹی آئی ،آئی ایم ایف بجٹ منظورنہیں ہوگا اور حکومت گر جائیگی، جبر سے اب کام نہیں چلے گا، یہ بجٹ اقتصادی خودکشی ہے جسے ہم منظور نہیں ہونے دیں گے ۔ بدھ کو ٹوئٹر پر اپنے بیان میں چیئرمین بلاول بھٹو زرداری نے کہاکہ عمران خان

کو خوف ہے کہ پی ٹی آئی ایم ایف کا بجٹ منظور نہیں ہوگا۔ چیئرمین بلاول بھٹو زرداری نے کہاکہ عمران خان کو خوف ہے کہ اس کی حکومت گرجائے گی۔ انہوں نے کہاکہ جبر سے اب کام نہیں چلے گا،کوئی بھی اپنے ہوش وحواس میں ٹیکسوں میں اضافے، مہنگائی اور بیروزگاری کو ووٹ نہیں دے سکتا۔چیئرمین بلاول بھٹو زرداری نے کہاکہ یہ بجٹ اقتصادی خودکشی ہے جسے ہم منظور نہیں ہونے دیں گے۔