لاہور(مانیٹرنگ ڈیسک) خالد شہنشاہ کو کس نے مروایا اس تک اگر پہنچ جائیںتو وہی بے نظیر کا قاتل ہے، عزیر بلوچ کی جے آئی ٹی رپورٹ میں سب لکھا ہے کہ اس نے خالد شہنشاہ کو مارا اور کس کے کہنے پر مارا، سینئر صحافی عارف حمید بھٹی کا نجی ٹی وی پروگرام

میں انکشاف۔ تفصیلات کے مطابق سینئر صحافی عارف حمید بھٹی نے ٹی وی پروگرام میں انکشاف کرتے ہوئے بتایا ہے کہ بینـظیر بھٹو کے قاتل کو اگر پکڑنا ہے تو خالد شہنشاہ کے قاتل کو پکڑا جائے کیونکہ وہی بینظیر بھٹو کا بھی قاتل ہے۔ ان کا کہنا تھا کہ خالد شہنشاہ کا قتل کس نے کیا اور کس جگہ پرہوا؟ اس کا قاتل ٹریس ہوا اور کیسے پکڑا گیا؟ لیاری گینگ وار کے سرغنہ عزیر بلوچ کی جے آئی ٹی رپورٹ منگوائیں اور رپورٹ میں تفصیلات پڑھیں کہ عزیر بلوچ نے خالد شہنشاہ کو مارا اور کس کے کہنے پر مارا۔عارف حمید بھٹی نے پیپلزپارٹی کو آڑے ہاتھوں لیتے ہوئے کہا کہ پی پی کی حکومت پانچ سال رہی تو قاتل کیوں نہیں پکڑے ، آج کہا جا رہا ہے کہ پرویز مشرف ملزم ہےجبکہ دو بیگناہ پولیس والوں کو پکڑ لیا گیا جن کا اس قتل سے کوئی تعلق ہی نہیں تھا۔ انہوں نے کہا کہ خالد شہنشاہ کو کس نے مروایا اس تک پہنچ جائیں وہی بے نظیر کا قاتل ہے۔