مہمند ایجنسی ( آئی این پی ) مہمند ایجنسی میں (آج)پیر کو سعودی عرب کے ساتھ عید الاضحی منائی جا رہی ہے۔ نماز عید میں ملک کے امن و امان کیلئے خصوصی دعائیں مانگی جائیگی۔ تفصیلات کے مطابق مہمند ایجنسی میں آج بروز پیر سعودی عرب کے ساتھ عید الاضحی منائی جا رہی ہے۔ ہزاروں فرزندان اسلام نماز عید میں ملک و قوم کی سلامتی کیلئے خصوصی دعائیں مانگیں گے۔ اور سنت ابراہیمی پر عمل کر کے جانوروں کی قربانی دینگے۔ نماز عید کے وقت نماز کے تعین کیلئے مختلف تحصیلوں کے مساجد میں اعلانات کر دیئے گئے۔