اسلام آباد ( آن لائن) رواں مالی سال 2018-19ء کے ابتدائی گیارہ ماہ میں جولائی تا مئی کے دوران پٹرولیم مصنوعات کی مجموعی فروخت میں 25 فیصد کی کمی واقع ہوئی ہے جبکہ فرنس آئل کی فروخت میں 58 فیصد اور ہائی سپیڈ ڈیزل کی فروخت میں 20 فیصد کی کمی ریکارڈ کی گئی ہلے۔ آئل کمپنیز ایڈوائزری کمیٹی (او سی اے سی ) کے اعدادوشمار کے مطابق جاری مالی سال

میں گذشتہ مالی سال کے اسی عرصہ کے دوران پٹرول کی فروخت میں 10 فیصد کا اضافہ ہوا تھا۔ رپورٹ کے مطابق مالی سال 2017ء کے پہلے گیارہ ماہ میں فرنس آئل کی فروخت 85 لاکھ 49 ہزار ٹن تھی جو مالی سال 2018ء کے اسی عرصہ میں65 لاکھ 23 ہزار ٹن تک کم ہو گئی تاہم جاری مالی سال 2019ء میں فروخت کا حجم 27 لاکھ 27 ہزار ٹن کی ریکارڈ سطح تک کم ہو گیا۔