لاہور (این این آئی)قومی کرکٹر شاداب خان نے ٹیم میں واپسی کیلئے سسر ثقلین مشتاق کی مدد لے لی۔شاداب خان نے اپنے سسر اور سابق ٹیسٹ کرکٹر ثقلین مشتاق کے ساتھ بائولنگ پریکٹس کی فوٹیج سوشل میڈیا پر شیئر کی ہے۔

سوشل میڈیا پر زیر گردش تصاویر اور ویڈیوز میں ثقلین مشتاق کو شاداب خان کی کوچنگ کرتے دیکھا جاسکتا ہے۔سابق ٹیسٹ کرکٹر اور مایہ ناز آف اسپنر نے شاداب خان کو بولنگ بہتر کرنے کیلئے ٹپس دیں اور انہیں ایک ہاتھ سے گیند کروانے کی پریکٹس کروائی۔اس حوالے سے شاداب خان نے کہا ہے کہ میں ایک بہترین شخص سے سیکھ رہا ہوں۔