لاہور(این این آئی)پاکستان کرکٹ بورڈ کیڈائریکٹر لیگل بلال رضاعہدے سے مستعفی ہوگئے،دو روز قبل ڈائریکٹر کمرشل بابر حامد نے بھی استعفیٰ دے دیا تھا۔ذرائع کے مطابق پاکستان کرکٹ بورڈ کے مزید ڈائریکٹرز کے استعفوں کا امکان ہے۔اس کے علاوہ محسن نقوی کی نگران کابینہ کے وزیر بلال افضل قومی کرکٹ ٹیم کی سلیکشن کمیٹی میں شامل ہوئے ہیں۔
محسن نقوی کی نگران کابینہ کے وزیر بلال افضل پی سی بی سلیکشن کمیٹی میں شامل ہیں ،بلال افضل گزشتہ ماہ سبکدوش ہونے والی پنجاب کی نگران کابینہ میں وزیر تھے۔پی سی بی ذرائع کے مطابق بلال افضل سلیکشن کمیٹی میں ڈیٹا اینالسٹ ہوں گے، معروف ڈیٹا اینالسٹ حسن چیمہ بھی بطور ایکس آفیسیو ممبر سلیکشن کمیٹی کا حصہ ہیں جب کہ ڈائریکٹر انٹرنیشنل عثمان واہلہ سلیکشن کمیٹی کے سیکرٹری ہوں گے۔
