اسلام آباد (این این آئی)سوشل میڈیا پر معروف اسلامک اسکالر مولانا طارق جمیل کی مختلف گانے گاتے ویڈیو وائرل ہوگئی جس پر انٹرنیٹ صارفین کی جانب سے ملے جلے تبصرے کیے گئے اس دوران مولانا طارق جمیل کچھ گانوں کے بول میں چوک بھی رہے ہیں اور خود پر ہنس بھی رہے ہیں۔میڈیا رپورٹس کے مطابق مولانا طارق جمیل کی یہ ویڈیو ایک سال پرانی ہے جب انہوں نے گورنمنٹ کالج یونیورسٹی لاہور کے دورے کے دوران اپنے سامنے بیٹھے طالبِ علموں کو گانے گا کر سنائے تھے۔کچھ انٹرنیٹ صارفین کے مطابق ان کی نظر میں مولانا طارق کے گانا گانے میں کوئی برائی نہیں ہے وہ بھی انسان ہیں۔دوسری جانب کچھ نے مولانا طارق پر تنقید کرتے ہوئے کہاکہ گانے کو حرام کہنے والے اب خود گانا گا رہے ہیں۔