اسلام آباد (آن لائن) وفاقی کابینہ نے نئے مالی سال کے لیے بجٹ کی منظوری دے دی جس میں سرکاری ملازمین کی تنخواہوں میں 15 فیصد اور پنشن میں 5 فیصد اضافہ کیا گیا ہے ۔ قومی اسمبلی میں بجٹ پیش کرنے سے قبل وزیراعظم شہباز شریف کی زیر صدارت وفاقی کابینہ کا اجلاس ہوا
جس میں بجٹ تجاویز پیش کی گئیں۔ اجلاس میں کابینہ نے آئندہ مالی سال کے لیے فائنانس بل 2022-23ء کی منظوری دے دی۔کابینہ نے بجٹ تجاویز منظور کرتے ہوئے سرکاری ملازمین کی تنخواہوں میں 15 فیصد اور پنشن میں 5 فیصد اضافے کی منظوری دے دی۔ اس کے ساتھ ہی کابینہ نے سرکاری ملازمین کا ایڈہاک الاؤنس بنیادی تنخواہ میں ضم کرنے کی بھی منظوری دے دی۔ جو سب سے بڑا ریلیف ہے اور مجموعی بنیادی تنخواہ پر 15 فیصد ہوگا۔قبل ازیں وزیراعظم شہباز شریف کو سرکاری ملازمین کی تنخواہوں میں دس فیصد تک اضافے کی تجویز دی گئی تھی تاہم انہوں ںے تجویز کے برخلاف وفاقی کابینہ کی منظوری کے بعد تنخواہوں میں 15 فیصد اضافہ منظور کیا ہے۔کابینہ نے وفاقی ترقیاتی بجٹ 800 ارب روپے رکھنے کی تجویز بھی منظور کی جس کے تحت آئندہ مالی سال کی 1150 ترقیاتی اسکیموں کیلیے فنڈز مختص کیے گئے ہیں۔ ان میں 105 ارب بلوچستان، 68 ارب سندھ، 50 ارب پنجاب اور 48 ارب روپے کے پی کے لیے مختص ہیں۔قبل ازیں نئے مالی سال کے ترقیاتی بجٹ میں دفاع کے منصوبوں کیلئے 2ارب 32کروڑ روپے مختص کئے گئے ہیں،بجٹ دستاویز کے مطابق دفاع کے جاری منصوبوں کا پی ایس ڈی پی ایک ارب 82کروڑ روپے مختص کیا گیا
جبکہ وزارت دفاع کے نئے منصوبوں کیلئے 40کروڑ 70لاکھ روپے مختص ہیں،ڈیفنس کمپلیکس اسلام آباد کے جاری منصوبے کیلئے 61 کروڑ 35کروڑ روپے مختص ،زرعی سسٹم میں مصنوعی ذہانت کے منصوبے کیلئے 30کروڑ روپے مختص ،ایف جی ڈگری کالج کوہاٹ کے منصوبے کیلئے
2کروڑ کروڑ روپے مختص ،نیشنل ایروسپیس سائنس اینڈ ٹیکنالوجی پارک منصوبے کیلئے 80 کروڑ روپے مختص ،نیشنل یونیورسٹی آف پاکستان کے قیام کیلئے 20 کروڑ روپے مختص،نیشنل یونیورسٹی آف ہیلتھ سائنس کیلئے پانچ کروڑ روپے مختص اورانسٹیٹیوٹ آف انکلیوسیو ایجوکیشن کیلئے 8.6 کروڑ روپے مختص کئے گئے ہیں۔
وفاقی بجٹ 2022-23 میں کریڈٹ کارڈ سے ادائیگیوں پر ایک فیصد ٹیکس لگانے کی تجویز دی گئی جبکہ ایک ماہ میں 10ہزار سے زائد ڈالر خریدنے پر پابندی کی تجویز دی گئی ہے،بجٹ دستاویز کے مطابق نان فائلرز کیلئے کریڈٹ کارڈ کے استعمال پر 2فیصد ٹیکس لگانے کی تجویز، پاکستان سے باہر کریڈٹ، ڈیبٹ کارڈ استعمال کرنے پر ٹیکس لگانے کی تجویز بھی سامنے آئی ہے،
انکم ٹیکس کے سلیبس کم کرنے اور انکم ٹیکس سلیبس 12 کے بجائے 7 ہوسکتے ہیں، سالانہ 10لاکھ روپے سے زائد کی آمدن پر ٹیکس بڑھانے کی تجویز انکم ٹیکس میں دی گئی، مراعات کم کرنے پر غور آن لائن اور سوشل میڈیا سے آمدن پر ٹیکس بڑھانے کی تجویز ہے، انٹرنیشنل سفر کیلئے بزنس کلاس پر 4 گنا ٹیکس بڑھانے کی تجویز دی گئی ہے۔
آئندہ مالی سال 2022-23 کے بجٹ میں وفاق کے سالانہ ترقیاتی پروگرام کی تفصیلات سامنے آگئیں ہیں،وفاق کاترقیاتی پروگرام 800 ارب روپے مختص کردیا گیا ہے ، بجٹ دستاویز کے مطابق وفاقی وزارتوں اور محکموں کیلئے 564ارب روپے مختص کئے گئے،
این ایچ اے کو سب سے زیادہ 118 ارب روپے ملیں گے ،سو ل ایوی ایشن کیلئے 2.48ارب روپے کا ترقیاتی بجٹ مختص، سرمایہ کاری بورڈ کیلئے 80 کروڑ روپے کا ترقیاتی بجٹ مختص،کیبنٹ ڈویژن کیلئے 70.05 ارب روپے کا ترقیاتی بجٹ مختص،
ماحولیاتی تبدیلی کی وزارت کے لیے 9.60 ارب روپے کا ترقیاتی بجٹ مختص، ڈیفنس ڈویژن کیلئے 2.23 ارب روپے کا ترقیاتی بجٹ مختص، وفاقی تعلیمی منصوبوں کیلئے 7.23 ارب روپے کا ترقیاتی بجٹ مختص،صوبوں اور خصوصی علاقوں کیلئے 135.85ارب روپے کا ترقیاتی بجٹ مختص ،
آزاد کشمیر اور گلگت بلتستان کیلئے 52 ارب 64 کروڑ کا ترقیاتی بجٹ مختص،خیبر پختونخوا میں ضم قبائلی علاقوں کیلئے 50 ارب روپے کا ترقیاتی بجٹ مختص،ہائر ایجوکیشن کمیشن کو 44 ارب 17 کروڑ کا ترقیاتی بجٹ ملے گا،
وزارت ہاوسنگ کیلئے 13 ارب95 کروڑ روپے کا ترقیاتی بجٹ مختص،وزارت داخلہ کیلئے 9 ارب 9 کروڑ روپے کا ترقیاتی بجٹ مختص،میری ٹائم امور کیلئے 3 ارب 46کروڑ روپے کا ترقیاتی بجٹ مختص،وزارت غذائی تحفظ کیلئے 10.12 ارب روپے کا ترقیاتی بجٹ مختص،
وزارت صحت کیلئے 12 ارب65کروڑ روپے کا ترقیاتی بجٹ مختص،اٹامک انرجی کمیشن کیلئے 25 ارب 99روپے کا ترقیاتی بجٹ مختص،پلاننگ ڈویژن کیلئے 42 ارب 17روپے کا ترقیاتی بجٹ مختص،ریلوے ڈویژن کے لئے32 ارب 64کروڑ روپے کا ترقیاتی بجٹ مختص،
آبی وسائل کیلئے 99 ارب روپے کا ترقیاتی بجٹ مختص اورپاور ڈویژن کیلئے 43ارب 13کروڑ روپے کا ترقیاتی بجٹ مختص کیا گیا ۔نئے مالی سال میں دفاعی پیداوار کے نئے ترقیاتی منصوبے شامل نہیں کئے گئے ہیں،دفاعی پیداوار ڈویژن کو جاری ترقیاتی منصوبوں کیلئے 2.20 ارب روپے مختص کئے گئے ہیں
،بجٹ دستاویزات کے مطابق گوادر شپ یارڈ کے جاری منصوبے کیلئے 20کروڑ روپے مختص کئے گئے ہیں ،یہ فنڈز گوادر شپ یارڈ کے پراجیکٹ مینجمنٹ سیل کے قیام پر خرچ ہوں گے ،کراچی شپ یارڈ کی اپ گرایڈیشن کیلئے 2ارب روپے مختص کئے گئے ہیں۔
