لاہور( این این آئی)گرین ٹائون میںمبینہ طور پر ملزم نے اپنے بیٹے پر تشدد کی رنجش پر اپنے اور سسرال کے گھروںمیںفائرنگ کر دی جس کے نتیجے میں تین خواتین سمیت 6افراد جاںبحق جبکہ ایک خاتون زخمی ہو گئی،جاں بحق ہونے والوں میں ملزم کے والدین ، بہن

، بھانجا ، سسر اور خالہ ساس شامل ہیں ،پولیس نے فوری کارروائی کر کے ملزم کو گرفتارکرلیا جبکہ فرانزک ماہرین کی مدد سے شواہد اکٹھے کرنے کے بعد لاشوںکومردہ خانے منتقل کر دیا گیا ۔ بتایا گیا ہے کہ قتل کی واردات کا دلخراش واقعہ گرین ٹائون اورباگڑیاں میں شیراز ٹائون میںپیش آیا جہاں تین خواتین سمیت 6افراد کو قتل جبکہ دوافرادکو زخمی کر دیا گیا ۔ بتایا گیا ہے کہ ملزم عابد گاڑی میں سوارہو کر آیا اور اپنے اور سسرال والوں کے گھر میں فائرنگ کر دی جس کے نتیجے میں والد60 سالہ غلام حسین ،والدہ55 سالہ آسیہ بی بی ،بہن35 سالہ ریحانہ ،بھانجا15 سالہ ہمایوں ،سسر اسلم اور خالہ ساس رانی بی بی جاں بحق جبکہ ساس شدید زخمی ہوگئی۔ اطلاع ملتے ہی پولیس ،ریسکیو 1122،ایدھی ایمبولینسز اور فرانزک ٹیمیںموقع پر پہنچ گئیں ۔ پولیس نے جائے وقوعہ سے شواہد اکٹھے کرنے کے بعد لاشوں کو مردہ خانے منتقل کر دیا ۔ پولیس کے مطابق ملزم عابد کو گرفتار کر لیا گیا ہے اور اس نے اپنے ابتدائی بیان میںبتایا ہے کہ اس کے بیٹے تشدد کا نشانہ بنایا گیا جس کی رنجش پر اس نے فائرنگ کی ۔ یہ بھی اطلاعات ہے کہ ملزم آئس کا نشہ کرتا ہے اورگزشتہ روزگاڑی پر گھر آیا اور اپنے اور سسرال کے گھر وںمیں فائرنگ کر دی ۔ذرائع کے مطابق واقعہ میں جائیداد کا تنازعہ بھی سامنے آیا ہے ۔ رپورٹ کے مطابق ملزم عابد گاڑی میں سوارہوکر پہلے گرین ٹائون کالج روڈ پر واقع اپنے والدین کے گھر پہنچا جہاں اس نے اندر داخل ہوتے ہی فائرنگ کردی جس کی زد میں آکر والد غلام حسین ، والدہ آسیہ ، بہن راحیلہ ، بھانجا ہمایوں دم توڑ گئے ۔ جس کے بعد ملزم باگڑیاں میں واقع اپنے سسرال کے گھر جا پہنچا اور وہاں پر بھی فائرنگ کی جس سے اس کی خالہ ساس رانی بی بی اور سسر اسلم جاں بحق ہو گئے جبکہ ساس زخمی ہے ۔آئی جی پنجاب را ئوسردار علی خان نے ٹائون شپ میں فائرنگ کے واقعے کا نوٹس لیتے ہوئے قائمقام سی سی پی او لاہور سے واقعہ کی رپورٹ طلب کرلی ہے ۔