لاہور( این این آئی)محکمہ موسمیات نے آج ( اتوار) سے بارشوں کی پیشگوئی کی ہے ۔محکمہ موسمیات کی رپورٹ کے مطابق گندم کی کاشت والے علاقوں میں بارش برسے گی۔ڈپٹی ڈائریکٹر محکمہ موسمیات عرفان ورک کا کہنا ہے کہ ملک کے مختلف علاقوں میں بارشوں کا سلسلہ سردی کی نئی لہر لائے گا،ایک بارشیں برسانے والا سلسلہ پاکستان میں داخل ہوگا جس میں نارتھ ایسٹ پنجاب کے علاقہ شامل ہیں جہاں ہلکی سے درمیانی بارش ہوگی۔محکمہ موسمیات کے مطابق موسمیاتی تبدیلیوں سے سرما کی بارشوں کا پرانا پیٹرن بھی متاثر ہوا ہے ،جہاں زیادہ بارشیں ہوا کرتی تھیںوہاں پر کم ہوگئی ہیں، تبدیلی آرہی ہے ۔