لاہور ( این این آئی) دمام سے لاہور آنے والی پی آئی اے کی پرواز مسافروں کا سامان لانا بھول گئی۔ ایئر پورٹ ذرائع کے مطابق پی آئی اے کی دمام سے لاہور آنے والی پرواز پی کے 248 مسافروں کا سامان دمام ائیرپورٹ پر ہی چھوڑ کر لاہور آگئی۔
لاہور ائیرپورٹ پہنچنے پر 37مسافر اپنے سامان کی راہ تکتے رہے، سامان وصول نہ کرنے والے مسافروں نے لاہور ائیرپورٹ پر احتجاج کرنا شروع کردیا۔ پی آئی اے حکام نے دمام ائیرپورٹ پر مسافروں کے سامان چھوڑنے کی وجوہات بتانے گریز کیا جبکہ پی آئی اے انتظامیہ نے مسافروں کو اگلی پرواز سے سامان منگوا کردینے کی یقین دہانی کرائی ۔
